#Закотни_берувчи_ва #олувчиларга_фойдалари

Фақирнинг ҳаққини бераркан, молини бировнинг ҳақи аралашиб ҳаром бўлишдан қутқаради ва ҳалол қилади;
- молнинг хайрли ва баракотли бўлишига, кўпайишига сабаб бўлади; фақирларга харид имконини бергани учун бу кўпайиш айни чоқда моддий жиҳатдан ҳам ҳақиқатга айланади;
- закот адоватни йўқотиб, меҳрни орттиради;
- илоҳий неъматларга нисбатан шукрона адо этишга васила бўлади;
- розилик билан берган одам яхши фазилатлар билан хулқланган бўлади;
- мол тўплашга мубталолик ва хасислик иллатларини тузатади;
- охиратга иймонни кучайтиради. Қуръони каримда закот бермаганнинг охиратга иймон
келтирмагани, ишонч-сизлиги айтилган;
- закот берувчи закот олишга ҳақдор фақирни, йўқсилни, йўловчини, мусофирни, қулни,
қарздорни муҳтожлик асоратидан қутқариб, унга инсонлик шаъни, миннатдорлик. шукроналик туйғуларини бахш этади;
- нафрат, адоват, душманлик туйғуларини даф этади;
- жамиятда тинчлик-хотиржамлик бўлишини таъмин этади, кўнгилларни Исломга мойил қилади, мусулмонларга ёмон ниятда бўлганларни бу йўлдан қайтаради, олдини олади. Муносабатларни яхшилаб, жамиятда бирдамлик ва ҳамкорликни пайдо қилади.

Учқудуқ тумани
"Мустақиллик" МФЙ Отинойиси Файзиева Зилола