Устозимга....
Марҳума устозим Латофат опа Отақулованинг порлоқ хотирасига бағишлайман..

Устоз сизни севдим шунчалар
Меҳрингиздан суюниб... ёниб
Билмам сиздан қарзим қанчалар
Узолмасман умримдан қониб

Юрак қўри билан севдингиз
Қалбларга бахт ҳиссини солиб
Ўзда борин бизга бердингиз
Қолмасин деб бахтидан нолиб

Қора сочга оқ туширганмиз
Шўхлигу бебошлик баҳона
Сизни бир паноҳ деб билганмиз
Билганмиз мисоли бир она

Хизматингиз тоғдек юксакдир
Ҳимматингиз нурдек беқиёс
Касбингиз шарафли, бешакдир ,
Дилимизда қолурсиз, устоз!!