Умидим Ўзинг...
Умр йўлларини сарсона кездим
Синовлар ичинда девона кездим
Йиқилдим, турдим, ҳайрона кездим
Мен гуноҳкор қулингман, Аллоҳ..
Ўзингдан умидим, алҳамдулиллоҳ..

Жумла борлиқ узра султоним Ўзинг,
Буюк "Муаллифул Қуръон" им Ўзинг,
Улуғ кунда дардга дармоним Ўзинг,
Мен гуноҳкор қулингман, Аллоҳ..
Ўзингдан умидим, алҳамдулиллоҳ..

Маҳшар куни вароқлаб дафтаримни,
Кечиргил ошкору сир айбларимни,
Бир уммати дегил Пайғамбаримни
Мен гуноҳкор қулингни , Аллоҳ..
Ўзингдан умидим алҳамдулиллоҳ..

Ўзингсан Роҳман, ўзингсан Роҳийм,
Ё Афуввун Карийм, кечир гуноҳим ,
Бизлардан нари тут, дўзахнинг чоҳин,
Биз гуноҳкор қулингмиз, Аллоҳ ,
Ўзингдан умидвор, алҳамдулиллоҳ ..

Биз гуноҳкор қулингмиз Аллоҳ.....


Жабборова Карима.
Навоий вилояти Навбаҳор тумани Сарбозор маҳалласи отинойиси