Мустақиллик шукронаси !

Юртбоши юртига содиқ,
Халқига айлар эҳтиром.
Бозори бисёр тўкинлик,
Кеча-кундуз тинчлик мудом!
Омон-омонларга етдик,
яхши замонларга етдик!
Қодирий,Фитрат ва Чўлпон,
Орзуга етмай берди жон.
Мустақиллик бўлди армон,
Тупроқ узра топди макон...
Омон-омонларга етдик,
яхши замонларга етдик!
Қарияси қадри улуғ,
Ёшларини йўли ёруғ.
Ҳар соҳада мисли юлдуз,
Дуодамиз кеча-кундуз.
Омон-омонларга етдик,
яхши замонларга етдик!
Уламолар тинчлик истар,
Кексалар пур маъно сўзлар.
Ёшлар илм деб изланар,
Неъматларнинг қадрин билар.
Омон-омонларга етдик,
яхши замонларга етдик!
Мардлар курашда толмаган,
Қизлари эгнида хонатлас.
Дунёларга машҳур бўлган,
Жон юртимсан она Ватан!
Омон-омонларга етдик,
яхши замонларга етдик!
Иморатлар осмонўпар,
Самода қушлар парвози.
Сон-саноғсиз боғу-роғлар,
Хумо қуши тинчлик рамзи.
Омон-омонларга етдик,
яхши замонларга етдик!
Ўзбек халқда бор диёнат,
Қалбида меҳр-муҳаббат.
Ҳаммага қилади шавқат,
Тангрим юртим асра фақат.
Омон-омонларга етдик,
яхши замонларга етдик!
Ўзбегим ,ўзлигинг асра!
Қалбда иймонингни асра,
Ўзинг ўз уйингни асра.
Омон-омонларга етдик,
яхши замонларга етдик!
Юртим ҳеч уруш кўрмасин,
Ёшлар йўлда адашмасин.
Оналар кўз ёш тўкмасин,
Роббим ҳаммани асрасин!
Омон-омонларга етдик,
яхши замонларга етдик!

Қизилтепа тумани "Ванғози" МФЙ отинойиси Норова Олия.