ЭР АЁЛИНИНГ ТАШҚИ КЎРИНИШИДАН КЎНГЛИ ТЎЛМАЙ ҚОЛГАНИДА НИМА ҚИЛИШ КЕРАК ?
Никоҳдан бир неча йил ўтганидан кейин баъзи эркаклар хотинидан айб ахтарадиган бўлиб қолади.
Эр-хотин ўртасидаги келишмовчиликларнинг аксарияти эрнинг хотинига “анави аёл жуда ҳам чиройли, дид билан кийинади, сен эса ундай эмассан” ёки “сен семизсан, фалончининг фигураси “чоткий”, агар сен ҳам шундай бўлиб озмасанг, иккинчи хотинга уйланаман” деб гапиришидан келиб чиқади.
Эркаклар бу каби сўзларни жуда осонлик билан гапирадилар . Турмуш ўртоғи ва болаларига умрини бахшида қилиб, турмуш машаққатларига чидам кўрсатиб келаётган аёлнинг қалби бундан ларзага тушишини ҳаёлларига ҳам келтирмайдилар.
Энди ҳақли савол туғилади: “Сизга турмушга чиққунича бу қиз семиз ёки хунук бўлганми?” .
Ва яна бундай эркакдан сўрашни хоҳлардим: “ Энди танлов имкониятингиз кенгайганида, хотинингиз ёқмай қолдими? Балки, пулингиз кўпайиб қолгандир? Ахир ўзингиз кўриб, танлаб, ёқтириб уйлангансиз-ку. Уйингиздагилар сизга шу қизни олиб бериш учун қанча елиб-югурганларини унутдингизми?”
Бундай вазиятда айб эркак кишида эканини тан олиш керак.
Аёлларнинг жуда кўпчилиги ўзига қарашни ва чиройли кийинишни истайди ва яхши кўради. Аммо бунинг учун хоҳишнинг ўзи етарли эмас – пул деб аталадиган восита ҳам керак.
Кўпинча аёл ташқи кўринишим эримни қониқтиради деб ўйлаб, эрининг камроқ топаётгани ёҳуд пардоз-андозга ортиқча пул сарфлаб эркакни қийнамаслик сабабидан ўзига қарамай қуйган бўлиши мумкин.
Балки аёлда “пул сўрасам мендан жаҳллари чиқади, мени ёмон кўриб қоладилар”, деган истиҳола бордир.
Аёлининг гўзаллигидан баҳра олиш истаги ҳар бир эркакда бўлиши табиий. Лекин шу истакни гўзал тарзда ифода қилиш ҳам, муаммони бошқа услубда ҳал қилиш ҳам мумкинку?
Оила - кўнглига ўтирмай қолса, бошқасини топиб олаверадиган кўнгилхушлик макони эмас.
Аёл - ўйнаб-ўйнаб,зерикканида бошқасига ўтиб кетадиган қўғирчоқ ҳам эмас.
Аёл боласига таглик олиш муаммо бўлиб турган бир пайтда эрининг ишлари юришиб кетишига умид қилиб яшайди. Шўрлик аёл кундалик ташвишлар зарбидан ўзига келолмай турганида эри яна иккинчи хотин олишни хоҳлайди.
Эрига ана шундай сабр-тоқат кўрсатаётган, эрини хафа қилишни истамайдиган, иқтисодий муаммолар билан ҳадеганда эркакни бошини қотиравермайдиган сабрли аёлларга нисбатан эркак янада мулойимроқ муносабатда бўлиши керак эмасмикин? Унинг ва болаларининг ҳақларини чиройли адо этиши керак эмасмикин? Ахир, аёл сабрининг ҳам чегараси бор-ку.
Навоий шаҳар "Бунёткор" мфй отинойиси Маҳмудова Гулчеҳра.
Никоҳдан бир неча йил ўтганидан кейин баъзи эркаклар хотинидан айб ахтарадиган бўлиб қолади.
Эр-хотин ўртасидаги келишмовчиликларнинг аксарияти эрнинг хотинига “анави аёл жуда ҳам чиройли, дид билан кийинади, сен эса ундай эмассан” ёки “сен семизсан, фалончининг фигураси “чоткий”, агар сен ҳам шундай бўлиб озмасанг, иккинчи хотинга уйланаман” деб гапиришидан келиб чиқади.
Эркаклар бу каби сўзларни жуда осонлик билан гапирадилар . Турмуш ўртоғи ва болаларига умрини бахшида қилиб, турмуш машаққатларига чидам кўрсатиб келаётган аёлнинг қалби бундан ларзага тушишини ҳаёлларига ҳам келтирмайдилар.
Энди ҳақли савол туғилади: “Сизга турмушга чиққунича бу қиз семиз ёки хунук бўлганми?” .
Ва яна бундай эркакдан сўрашни хоҳлардим: “ Энди танлов имкониятингиз кенгайганида, хотинингиз ёқмай қолдими? Балки, пулингиз кўпайиб қолгандир? Ахир ўзингиз кўриб, танлаб, ёқтириб уйлангансиз-ку. Уйингиздагилар сизга шу қизни олиб бериш учун қанча елиб-югурганларини унутдингизми?”
Бундай вазиятда айб эркак кишида эканини тан олиш керак.
Аёлларнинг жуда кўпчилиги ўзига қарашни ва чиройли кийинишни истайди ва яхши кўради. Аммо бунинг учун хоҳишнинг ўзи етарли эмас – пул деб аталадиган восита ҳам керак.
Кўпинча аёл ташқи кўринишим эримни қониқтиради деб ўйлаб, эрининг камроқ топаётгани ёҳуд пардоз-андозга ортиқча пул сарфлаб эркакни қийнамаслик сабабидан ўзига қарамай қуйган бўлиши мумкин.
Балки аёлда “пул сўрасам мендан жаҳллари чиқади, мени ёмон кўриб қоладилар”, деган истиҳола бордир.
Аёлининг гўзаллигидан баҳра олиш истаги ҳар бир эркакда бўлиши табиий. Лекин шу истакни гўзал тарзда ифода қилиш ҳам, муаммони бошқа услубда ҳал қилиш ҳам мумкинку?
Оила - кўнглига ўтирмай қолса, бошқасини топиб олаверадиган кўнгилхушлик макони эмас.
Аёл - ўйнаб-ўйнаб,зерикканида бошқасига ўтиб кетадиган қўғирчоқ ҳам эмас.
Аёл боласига таглик олиш муаммо бўлиб турган бир пайтда эрининг ишлари юришиб кетишига умид қилиб яшайди. Шўрлик аёл кундалик ташвишлар зарбидан ўзига келолмай турганида эри яна иккинчи хотин олишни хоҳлайди.
Эрига ана шундай сабр-тоқат кўрсатаётган, эрини хафа қилишни истамайдиган, иқтисодий муаммолар билан ҳадеганда эркакни бошини қотиравермайдиган сабрли аёлларга нисбатан эркак янада мулойимроқ муносабатда бўлиши керак эмасмикин? Унинг ва болаларининг ҳақларини чиройли адо этиши керак эмасмикин? Ахир, аёл сабрининг ҳам чегараси бор-ку.
Навоий шаҳар "Бунёткор" мфй отинойиси Маҳмудова Гулчеҳра.
