Масжид қадимги ипак йўли яқинида жойлашгани сабабли, сафарда юрган, мусофир кишилар учун зиёрат қилиб намоз ўқиб кетадиган макон бўлган. Собиқ тузум даврида масжид биносидан омборхона ва турли мақсадларда фойдаланишган. Натижада масжид биноси бирмунча эскириб таъмирталаб бўлиб қолган эди. 1998 йилда бу масжид Ўзбекистон Республикаси адля бошқармаси томонидан рўйхатга олингач, хашар йўли билан масжид биноси қайтадан таъмирланди ва масжид ховлиси обод қилинди.
2012 йилда масжиднинг эски тахоратхонаси ўрнида замон талаблари асосида янги тахоратхона қурилиб фойдаланишга топширилди. Масжид боғи ободонлаштирилди, турли хил мевали ва манзарали дарахтлар ва гуллар ўтқазилди.
Хозирда масжид ўз биносига 180-200 кишини сиғдира олади. Жума ва Ҳайит намозларида бу масжид намозхон ва зиёратчилар билан гавжум бўлади.