САВОЛ: Эҳромга киришдан аввал қўлтиқ терлашга қарши воситалардан фойдаланиш мумкинми?

ЖАВОБ: Бисмиллаҳир Роҳманир Роҳим. Умра ёки ҳаж қилиш учун эҳромга киришдан аввал ғусл қилиш, хушбўйланиш каби амаллар суннат ҳисобланади. Шунингдек, саволда сўралган воситалардан фойдаланиш ҳам мумкин. Чунки бу ҳам покланиш ва хушбўйланишнинг бир тури ҳисобланади. Аммо эҳромга киргандан кейин ундан чиққунига қадар хушбўйлик воситаларни ишлатиш мумкин эмас. Агар эҳромда хушбўйлик ишлатса, ҳолатга қараб қўй сўйиши ёки садақа бериши лозим бўлади. Валлоҳу аълам.

Ўзбекистон мусулмонлари идораси
Фатво маркази.