ДЎЗАХ ЁКИ ЖАННАТ АБАДИЙМИ?
Ассалому алайкум! Инсон ҳаёти давомида кўплаб савобу гуноҳлар қилади. Фарзларни тўлиқ бажаролмай ёки қаршиликлар, мажбуриятлар юзасидан уларни бажармай дунёдан ўтганлар кўп учрайди. Бир одам қилинган гуноҳлар учун маълум вақт дўзахда бўлиши ҳақида айтганди. Бу саҳиҳми ёки йўқлигини сўрамоқчиман. Аввал бундай мавзуда ҳеч ўқимагандим. Инсон учун савол-жавобдан сўнг дўзах ёки жаннат абадий бериладими?
Жавоб:
– Ва алайкум ассалом! Аҳли иймон дўзахда абадий қолмайди. Гуноҳ эгалари дўзахга тушиб, бир муддат азобланиб, кейин жаннатга киритилишлари ҳадисларда келган. Албатта, бу Аллоҳнинг ҳукми билан бўлади. У Зот кимни истаса мағфират қилиб, кимни истаса азоблайди.
Валлоҳу аълам.
Одинахон Муҳаммад Содиқ