Савол: - Эр билан хотин қўшилгандан кейин ғусл қилгунча бўлган даврда бирор нарсага ёки инсонга кўзи тушса, кўзи тушган нарса ҳаром бўладими?

Жавоб: – Йўқ. Ҳеч нарса ҳаром бўлмайди. Бундай ҳолатдаги шахсни жунуб дейилади. «Жунуб» сўзи луғатда четда турувчи, маъносини англатади. Шариатда эса жинсий яқинлик, уйқуда булғаниш ва бошқа сабабга кўра маний чиқариб, ғусл вожиб бўлган шахсга айтилади. Ғусл вожиб бўлган одам намоздан, Қуръондан, масжиддан ва шариат кўрсатган бошқа нарсалардан четда бўлгани учун ҳам «жунуб» номини олган. Аммо жунубнинг кўзи бирор нарсага тушса, ўша нарса ҳаром бўлиб қолади деган гап йўқ.

Шайх Муҳаммад Содиқ Муҳаммад Юсуф роҳимаҳуллоҳ