Жорий йилнинг 7 июль санасида Навоий шаҳар "Ёшлар маркази"да ЎМИ Навоий вилоят вакиллиги тасарруфидаги масжид имом хатиблари иштирокида давра суҳбати бўлиб ўтди. Йиғилишни Навоий вилояти ҳокими ўринбосари Ғ.Мусурманов очиб берди. Тадбирда Ўзбекистон Республикаси Давлат хавфсизлик хизмати Навоий вилоят бошқармаси бошлиғи ўринбосари Ш.Ураков сўзга чиқиб, имом хатибларнинг бугунги кунда жамиятда диний-маърифий муҳитини яхшилашда ҳиссалари катта эканлиги, улар ўз устиларида янада ишлаб, мамлакатимиз тараққиётига хавф солувчи турли экстремистик оқимлар фаолиятига, уларнинг ғояларига раддиялар бериш, илмий рисолалар, ОАВларида чиқишлар сонини янада оширишлари лозим эканлигини таъкидлаб ўтди.