15-июнь куни Республикамизнинг барча вилоятларида бўлгани каби, Навоий вилоятида ҳам ифторлик дастурхонлари ёзилди. Навоий шаҳрининг "Хурсанд" тантаналар саройида бўлиб ўтган тадбирда 600 нафарга яқин вилоят фахрийлари, рўзадорлар дастурхон атрофида жам бўлишди. Ифторлик олдидан рамазони шариф шукуҳи, юртимиздан иймонда ўтиб кетган забардаст сиймолар, жумладан, Ўзбекистон республикасининг биринчи президенти Ислом Каримовнинг номлари ёдга олинди. У инсоннинг мамлакат фаровонлиги, дину диёнат ривожи учун қилиб ўтган фидокорона хизматлари ёдга олинди. Қуръони карим тиловат қилиниб, кўплаб дуолар қилинди. Ифторлик ажойиб бир шукуҳда, кўтаринки руҳда ўтди.
