Халқ билан мулоқот ва инсон манфаатлари йилида ЎМИ Навоий вилояти вакиллиги томонидан халқ билан кўплаб учрашув ва тадбирлар ўтказилмоқда. Ушбу тадбирларда муқаддас ислом дини - тинчлик, олийжаноблик дини эканлиги, бугунги кунда ҳукумат томонидан диний соҳага катта эътибор қаратилётганлиги, масжид ва қадамжолар кундан-кунга обод бўлаётганлиги фуқароларга етказилмоқда. Жумладан, Навоий вилоят бош имом хатиби Тохир Рўзиев жорий йилнинг 28-29 май кунлари вилоятнинг чекка ҳудудларида фуқаролар билан учрашувлар ўтказди. Самимий суҳбат ва дўстона муносабатлар тарзида ўтган учрашувда шу муқаддас даргоҳда яшайдиган ҳар бир фуқаро ҳукуматнинг эътибори ва ғамхўрлигида эканлиги, дини, миллати ва ирқидан қатъий назар иззат ва эҳтиромда эканлигини таъкидлаб ўтди. Азалдан фидокор, мўмин-мусулмон ўзбек халқи миллатлараро ва динлараро бағрикенгликни намоён қилган халқ эканлигини ҳаётий далиллар билан билдириб ўтди. Учрашувлар фуқароларда катта қизиқиш ва таассурот уйғотди.