2017 йил 28 санада вилоят бош имом хатиби Тоҳиржон Рўзиев вилоятдаги масжидлардаги мавжуд камчиликларни бартараф этишга қаратилган вакилликнинг махсус чора - тадбир ва режасига асосан Навбаҳор туман “Учтут”, “Хўжаи Боғдод”, “Аҳмад Яссавий” масжидларининг имом-хатиблари, масжид ходимлари, масжид ҳайъат аъзолари, ташаббускорлари ҳамда ҳар бир масжид ҳудудидаги маҳалла фаоллари билан учрашиб тадбирлар ўтказди. Вилоят бош имом хатиби тадбирларда асосан таъмирталаб масжидлар биноси ва таҳоратхоналарини замон талабида таъмирлаш, ёнғин хавфсизлиги асбобларини тўлиқ қилиш, масжидларни замонавий техника воситалари (компьютер жамланмаси, электрон почта, факс, прентер, телефон) билан жиҳозлаш масалаларида сўз юритди.
Имом хатиблар ва масжид ҳайъат аъзолари фаоллигини ошириш, ойлик маошлари кам имомларни маошларини ошириш чораларини кўриш бўйича маслаҳатлар берди.
Масжидларни ҳар томонлама обод қилиш Қуръони карим ва Пайғамбаримиз алайҳиссалом таълимотлари ҳамда “Виждон эркинлиги ва диний ташкилотлар тўғрисидаги қонун” га мувофиқ муқаддас Ислом динига эътиқод қилувчи муъмин-мусулмонларнинг бурчи эканлиги, масжидларнинг молиявий фаолияти уларнинг ихтиёрий эҳсон ажратмалари эвазига амалга оширилиши ҳақида исбот далиллар билан гапирди. Шунингдек, 2017 йил “Халқ билан мулоқот қилиш ва инсон манфаатлари йили” муносабати билан фуқароларни қизиқтирган саволларга жавоб бериб, диний соҳадаги қизиқишлари ва уларни қийнаётган муаммолар ҳақида гаплашди. Тадбир иштирокчилари, хусусан, масжидлар ҳайъат аъзолари ўзлари учун манфаатли маълумотлар олганлари учун миннатдочилик билдирдилар.
УМИ вилоят вакиллиги котибияти
