Бўлайлик сергак
Барчага баробар бу рўйи жаҳон
Тўрт кунлик дунё бу, ҳаммамиз меҳмон
Дил ўйин мунаввар этайлик дўстлар
Титрамасин замин, етти қат осмон
Мўл-кўлчилик замон, бахтли истиқбол
Мол дунё талашсак-ачинарли ҳол
Ҳар босган изимиз бўлади гувоҳ
Ўлчовли умримиз топганда завол
Зарар келтирмайди зотига ҳайвон
Бир-бирин чақмайди заҳарли илон
Онг бор виждон йўқ баъзи инсонда
Шундайдирлар дастидан нотинч эл, замон
Мумай даромадми –манфаат сабаб
Бировлар уялмай, кўпларни алдаб
Ночорни ҳақидан қилмайди ҳазар
Чет элларга сотар, инсонни пуллаб
Алданиб қолмайлик, бўлиб сўнг вос-вос
Пушаймон ўринсиз бе ун беуввос
Жонга ҳеч арзимас мол-у матоҳлар
Ўткинчи дунёда бир синов холос
Найранглардан безган бу куҳна фалақ
Набиий умматимиз, мақоми юксак
Тарози паллада савобу-гуноҳ
Қўлни-қўлга бериб бўлайлик-сергак!
“Дўстлик” ва “Олтин водий” МФЙ отинойиси Сувонова Ш.Ю.
Машҳур янгиликлар
Медиа
Фотолавҳалар
