Бугун Навоий вилоятининг Кармана тумани ҳудудида жойлашган "Хўжа Сабр Ота" жоме масжиди имом хатиби Кармана туманидаги 10 мактабда ўқувчи ёшларга "Гиёҳвандликнинг оғир оқибатлари ҳамда унинг маънавий зарари" тўғрисида маъруза қилди. 
"Мактаб ва коллеж - лицей даврлари ёшлар учун ўтиш даври яъни ўсмирлик даври ҳисоблангани учун ҳам уларда янгиликка ўчлик ва қизиқиш, уни синаб кўриш, ҳис этиш, татиб кўриш ва ҳоказо туйғулар бошқа даврдагига нисбатан кучлироқ бўлади", - дейди имом хатиб И.Бобобеков.
"Ушбу каби иллатларнинг зарари бир умрлик пушаймон, афсус ва надоматлик билан тугашини, яхшиси нафақат гиёҳвандлик, балки унгача бўлган кичик - кичик "пиллапоя" вазифасини ўтовчи чекиш ва спиртли ичимликларнинг ҳар қандай туридан узоқ бўлиш, буларга яқинлашмаслик, синаб ҳам, татиб ҳам кўрмаслик, асосий масалалардан бири эса тўғри дўст танлай билиш", тўғрисида кўплаб тавсия ва огоҳлантиришларни бериб ўтган имом хатиб ўз маърузаси якунида ўқувчи ёшлар билан қизғин бахс ва мунозаралар уюштириб, мактаб ўқувчилари томонидан берилган саволларга эса атрофлича жавоб берди.
