Жорий йилнинг 20 октябрь куни Зарафшон шаҳар "Олтин Водий" МФЙ ҳудудида жойлашган "Биллур" маросимлар залида "Шодлик" Меҳрибонлик уйи тарбияланувчиларга ҳайрия дастурхони ёзилди. 
Тадбирда Зарафшон тумани имом хатиби К.Шодмонов "Меҳр ва эътибордан ҳеч ким четда қолмайди" мавзусида маъруза қилиб: "Ислом динидаги инсоннинг қадр - қиммати, унинг азиз ва мукаррам эканлиги, қолаверса, Мустақил Ўзбекистонимиздаги инсон ҳақ - ҳуқуқлари, Юртимиздаги ҳар бир жон, ҳар бир инсонга ҳеч ким ҳеч қачон бефарқ бўлмаслиги, меҳр - мурувват кўрсатиши"ни таъкидлаб: "Барчамиз бир тупроқ фарзанди, бир осмон остида яшаётган бир оила кабимиз, биз биргамиз", - дея болажонлар билан хайрлашиб, улар ҳақларига битмас - туганмас хайр - дуолар қилиб, суҳбатга якун ясадилар.
