Жорий йилнинг 8 октябръ куни Навбаҳор тумани бош имом хатиби Ф.Тошев туман масжид имомлари ва маҳалла муллалари билан биргаликдаги давра суҳбатини ўтказди.

Унда: “Халққа бирор бир диний амални етказиш - таълим бериш, ўргатишдан аввал ўзимиз шунга амал қилиб, ислом мезонлари бўйича яшаб, сўнгра аҳоли билан мулоқот қилсак, мана шундагина халқ бизга эргаша олади.

Аввало биз буни мусулмонга хос ва мос бўлган муомала маданияти, кийиниш маданияти ва диний салоҳиятини ривожлантириш билангина олиб бора олишимиз мумкинлигини таъкидлаб айтиб ўтган имом домла Ф.Тошев, - "Халқдаги сўнгги пайтларда оммалашиб бораётган баъзи бир бидъат ва хурофотларга чек қўйиш ҳамда бунга қарши исломий маънавиятни юксалтириш мақсадида халққа исломий - расмий газета ва журналларимизни соф ислом динида салоҳиятли - илмий, ҳаммабоп услубда чоп этилаётганлигини эслатиб ўтиб, ушбу газета – журналларни халқимизга кўпроқ танитиб, таклиф қилиб, тарғибот ишларида жадалликни қўлдан бой бермаслик, бундай хунук иллатларга чек қўйибгина қолмай, аҳолидаги мавжуд исломий масалаларга ечим бўлиши, улардаги диний илимнинг янада ривожланиши учун хизмат қилиши"ни - айтиб, ушбу газета ва журналларга обуначилар сонини кўпайтириш лозимлиги, "Чунки, обуначилар қанчалик кўп бўлса, талаб шунча кўп демакдир, талаб ортса - исломга бўлган интилиш, унга бўлган қизиқиш ҳам ортади, бирор нимага қизиқиш эса - уни ўрганишга йўл очади, кўринадики, халқимиз соф ислом динимизни ишончли манбалар орқали ўрганиб, илм савияларини ошириб оладилар ва халқ орасида урчиб бораётган турли - туман бидъат - хурофотлар, тўй - хашамлардаги кераксиз олди - берди, дабда-ю сарф - харажатлар сезиларли даражада камайиб боради, балки илдизи билан йўқ бўлади, иншааллоҳ" -дея суҳбатга якун ясаган Ф.Тошев, мажлисда тўпланганларга тегишли топшириқ ва кўрсатмаларни ҳам бериб ўтдилар.