2019 йил 26 март куни Кармана туман Қосим-Шайх масжиди биносида тумандаги расмий имомлар, имтиҳондан ўтган 60 нафар маҳалла имомлари билан суҳбат бўлиб ўтди. Вилоят бош имом хатиби Т.Рўзиев "Норасмий никоҳни олдини олиш", "Имомлар илмий салоҳиятини янада ошириш" мавзуларида маъруза қилди. Норасмий никоҳларни олдини олиш учун никоҳни қайд этиш гувоҳномасини кўрибгина никоҳ ўқиш мумкинлигини, гувоҳномасиз никоҳ ўқиган имом жаримага солиниши айтиб ўтди. Норасмий никоҳлар кўпайганлиги сабабли оилавий ажримлар ортганлиги, норасмий никоҳнинг салбий оқтбатлари тўғрисида гапирди. Тадбирга ИИБ ходими Ш.Шерназаров, терроризмга қарши кураш бўлимидан Д.Абдусаломовлар таклиф этилди. 
