Ҳазрати Пайғамбаримиз соллаллоҳу алайҳи ва саллам марҳамат қиладилар: “Илм – хазина, унинг калитлари - савол. Сўранглар, сўрашда 4 киши савобга эга бўлади: Сўровчи, олим, эшитувчи, уларни дўст тутувчи”.



Толиби илм ва олимларни ўзига дўст билган саховатпеша инсонлар кўмагида “Вақф” хайрия жамоат фонди томонидан жорий йилнинг 7 май куни “Кўкалдош” ўрта махсус ислом билим юртида “Рамазон туҳфаси” сифатида тадбир ўтказилди.


Мазкур тадбирда Фонднинг “Илмга кўмак” акцияси доирасида 5 нафар талабага тўлов шартнома пуллари тўлаб берилгани ҳақида сертификатлар ўз эгаларига тақдим этилди. Тадбир давра суҳбати тарзида давом эттирилиб, мадраса талабалари ҳамда устозлари билан мулоқот олиб борилди.
Мулоқот чоғида Фонд раҳбари Искандар Халилов ушбу таълим даргоҳини моддий ва маънавий жиҳатдан бундан кейин ҳам қўллаб-қувватлаш мақсадида, Қуръони каримни тўлиқ ёд олган талабаларга, шунингдек, мингта ҳадис ёдлаган талабаларга ҳам тўлов шартнома пуллари Фонд томонидан тўлиқ қопланишини маълум қилди.


Тадбир сўнгида устозлар ва талабаларга фонд ҳадялари улашилди ва ифторлик дастурхони ёзилиб, юрт тараққиёти ва илм равнақи учун дуои хайрлар қилинди.


Уламолар айтадики "Кимда ким толиби илмнинг илм олишига кўмаклашса, Аллоҳ таоло унинг дунё ва охират машаққатларини енгиллатади"


"Вақф" хайрия жамоат фонди Матбуот хизмати

Сиз ҳам улкан савобга эришиш йўлида “Vaqf” хайрия жамоат фонди акцияларида иштирок этинг.

Payme.uz MBank.uz Click.uz Oson.uz

ЗАКОТ, ФИТР, УШР, ФИДЯ