Кармана тумани "Бахт уйи" биносида оила қураётган келин-куёвлар билан суҳбат ташкил этилди. Кармана туман ФҲДЁ бўлими ходимлари, Қосим Шайх масжиди ноиб имоми М.Очилов, туман бош отинойиси Ф.Мирзаевалар "Оила муқаддар даргоҳ", "Оилада аёлнинг ўрни", "Оилада эркак кишининг бурч ва вазифалари" тўғрисида маъруза қилди. Маърузада иштирок этган 30га яқин келин-куёвларга никоҳни қайд этиш гувоҳномалари топширилди. Навоий шаҳар "Бахт уйи" биносида ҳам оила қураётган келин-куёвларга вилоят бош имом хатиби ўринбосари Д.Эргашев, шаҳар бош отинойиси Ч.Бурхоновалар "Эрнинг аёл олдидаги вазифалари", "Аёлнинг эр олдидаги вазифалари" тўғрисида маъруза қилишди. Вилоятимизнинг ҳар бир туманларида ҳафтанинг душанба ва пайшанба кунлари ташкил этилаётган бу каби суҳбатлар натижасини ажримлар сони камайишида ўз самарасини бераётганлигидан кўришимиз мумкин.
