Навоий шаҳар ФҲДЁ бўлимида, шаҳар меҳрибонлик уйида тадбир ўтказилди. Навоий шаҳар ФҲДЁ бўлимида турмуш қураётган ёшлар билан суҳбат ўтказилди. Кармана тумани "Дўрман" масжиди имоми М.Рахмонов ҳамда шаҳар отинойилари "Никоҳ ва талоқ масалалари" ҳақида маъруза қилди. Ажримларни олдини олиш мақсадида ўтказилаётган тадбир турмуш қураётган ҳамда ёш келин куёвларга маъқул бўлди. Уларга никоҳни қайд этиш гувоҳномалари ҳам топширилди.
Навоий шаҳридаги "Мехрибонлик уйи"да вилоят ҳокимлиги ва Олий суд билан ҳамкорликда тадбир бўлиб ўтди. Тадбирда Кармана тумани "Жалойир" масжиди имоми А.Ҳакимов "Фарзанд Аллоҳнинг неъмати" мавзусида маъруза қилди. Фарзандлар тарбиясига ота оналар эътиборли бўлишлари лозимлги таъкидланди. Ота оналар томонидан фарзандларни назорат қилишлари, бўш вақтларини ўзларини қизиқтирган фан тўгаракларига бириктиришлари тавсия қилинди.
