Навоий шаҳар ФҲДЁ бўлимида шаҳар бош отинойиси Ч.Бурхонова, "Орзу" МФЙ отинойиси Г.Усмоновалар ёш келин-куёвларга ва турмуш қураётган ёшларга "Оилада аёлнинг ўрни", "Қайнона-қайнотага ҳурмат" мавзуларида маъруза қилди. ФҲДЁ бўлими ходими томонидан уларга никоҳ гувоҳномалари топширилди. Келин-куёвлар ўзларини қизиқтирган саволларга жавоб олишди. Шу куннинг ўзида Навбаҳор туманида ҳам турмуш қураётган ёшлар билан суҳбатлар ташкил қилинди. Туман имоми Ф.Тошев ва туман бош отинойиси Ж.Қиличевалар "Оила мустаҳкамлиги йўлида" мавзусида суҳбат олиб бордилар. Оила тинчлиги йўлида аёлдан талаб қилинган вазифалар, эр-хотиннинг ўзаро бир-бирига бўлган ҳурмати юзасидан керакли тавсиялар берилди.
