Бугун 28-март куни Ўзбекистон мусулмонлари идораси раиси, муфтий Усмонхон Алимов ҳазратлари Навоий вилояти Кармана туманида жойлашган "Қосим Шайх" масжидига ташриф буюриб, бу ерда олиб борилган ободонлаштириш ишлари билан танишдилар. Ташриф давомида вилоят бош имом хатиби Т. Рўзиев ва вилоятдаги бошқа имомлар билан учрашиб, уларга тегишли кўрсатма ва тавсиялар бердилар. Шунингдек, зиёратгоҳдаги ободонлаштириш ишларини кўздан кечириб, бу ерда хизмат қилган Вилоят ҳокимлиги, ҳамкор ташкилотлар ва саҳоватпеша хомийларнинг ҳақларига дуо қилдилар. Келгусида зиёратгоҳни янада ободонлаштириш, халқимизнинг манфаати учун хизмат қилувчи масканга айлантириш бўйича керакли барча топшириқларни бердилар.
