Навбаҳор туман ФҲДЁ бўлимига туман бош имом-хатиби Ф.Тошев ташриф буюриб, никоҳлаувчи ёшлар ва уларнинг оила аъзолари билан давра суҳбати ўтказди. Бугунги кунда оилавий ажралишлар сони ортиб бораётгани, фарзандлар тирик етим бўлиб қолаётгани, бу эса жамиятда кўплаб кўнгилсизликларни вужудга келишига бош сабабчи бўлаётганини таъкидлаб ўтди. Оилада эр ва хотиннинг мажбуриятлари, оила муқаддас маскан эканлиги борасидаги диний таълимотларни тушунтириб берди.
Шунингдек, тумандаги 30-сонли умумтаълим мактабида мактаб ўқитувчилари ва ишчи ходимлар иштирок этган давра суҳбатида "Таъмагирлик оғир гуноҳ" мавзусида нутқ сўзлади. Тадбирлар кўтаринки руҳда таассуротларга бой ҳолатда ўтди.
