21-декабрь куни Навоий давлат педагогика институтида "Юртимизга мукаддас динимизнинг кириб келиши" мавзусида маънавият дарси бўлиб ўтди. Вилоят бош имом хатиби Т.Рўзиев Ислом динининг юртимизга кириб келиши, унинг ёйилиши ва энг тараққий этган даврлари ҳақида сўзлади. Юртимиздан чиққан дунё тан олган ҳадишунос олимларимиз Имом ал-Бухорий, Термизийлар ҳақида, уларнинг бизга қолдирган улкан мерос китоблари ҳақида айтиб ўтди. Тадбир давомида талабалар Ислом тарихи ҳақида ўзларини қизиқтирган саволларга жавоб олдилар. Тадбирдан мамнун бўлган 25 нафар талаба ўз ташаккурларини билдирдилар.
