Кармана тумани Қосимшайх масжидида Ҳаж сафарига борувчилар билан махсус комиссия суҳбат ўтказди. Унда Кармана тумани Қосимшайх масжиди имом хатиби М.Юнусов, нуронийлар жамғармаси, маҳалла раислари иштирок этишди. Суҳбат давомида Ҳаж сафарига бориш учун талаб қилинадиган ҳужжатлар, уларнинг маҳаллада иштироки зарурлиги айтиб ўтилди. Ҳаж сафарига борувчилардан маънавияти, маърифати ва одоб-ахлоқи билан маҳаллада обрў-эътиборга эга бўлиши, оиласидаги муҳитнинг соғломлиги ва фарзандларининг ижобий тавсифланиши, маҳалладаги муҳитни яхшилашда ибрат бўла олиши, йўлдан адашганларнинг ижтимоий мослашувига ёрдам бериши, маҳалладаги хайрия тадбирларида иштирок этиши талаб қилиниши суҳбат давомида Қосимшайх масжиди имом хатиби М.Юнусов томонидан айтилди. Ҳаж сафарига боришни ният қилган вилоятдошларимиз ўзларига керакли тавсияларни олишди.