"СЕНГА СОДИҚ БЎЛАЙ АЛЛОҲ"

Ич-ичимдан келар бир воҳ,
Муҳаббатим сенга Аллоҳ.
Нафсим ўлди, ҳукминг билан
Сенга содиқ бўлай Аллоҳ.

"Ярал" дединг борлиқ бўлди
"Ихлос" билан шайтон ўлди.
Қалбим ичра иймон тўлди
Сенга содиқ бўлай Аллоҳ.

Сўраганим бергувчимсан,
Ёлғиз ўзинг севгувчимсан.
Саждаларда суйгувчимсан
Сенга содиқ бўлай Аллоҳ.

Фариштадан аьло этдинг,
Фирдафсларни иньом этдинг.
Бу дунёни синов қилдинг
Сенга содиқ бўлай Аллоҳ.

Лаьйин йўлин тўсиб ҳар чоғ
Қурьон бўлсин мен кезган боғ.
Тақво қилиб яшай ҳар чоғ
Сенга содиқ бўлай Аллоҳ.

Учқудуқ туман бош отинойиси О Тўрақулова