Марҳума она ноласи.
Жоним болам нолаларинг жон-жонимдан ўтдику,
Кўз ёшларинг олов бўлиб, танларимга ботдику.
Бу охимни эшитмайсан, мен сенинг ёнингдаман,
Ўтли гаврон ҳар текканда билгил мен ортингдаман.
Нола қилма, жигарбандим, Аллоҳга шак келтирма,
Мен йўлдаман, охиратинг сафарида қийнама.
Ёш тўкасан кўзларингдан, уввос солиб йиғлайсан.
Билсанг болам бу амал-ла, мени жуда қийнама,
Аллоҳники биз ҳаммамиз, охир унга қайтармиз,
Саодатли бир манзилда, балки маскан топармиз.
Агар мени севган бўлсанг, иззатласанг онам, деб,
Дуода бўл мудом мен-чун, ҳаттоки, таомни еб.
Хатирчи тумани отинойиси: Мардонова Маҳбуба ҳожи она.