Савол: Ассалому алайкум устоз! Сизга бир саволим бор эди. Мен шу йили қурбонлик қилмоқчиман. Қўй ҳам олиб қўйганман. Саволим қурбонликни фақат Қурбон ҳайити куни қилиш керакми, бир кун олдин ёки бир кун кейин сурилса ҳеч зарари йўқми?
Жавоб: Қурбонлик “Ийдул Адҳо” - Қурбон ҳайити куни яъни Зулҳижжа ойининг ўнинчи кунида Қурбон ҳайити намози адо этилгач амалга оширилади. Агар бу кунда сўйишга улгурилмаса, Зулҳижжанинг ўн биринчи ва ўн иккинчи кунлари ҳам амалга оширса бўлади. Бироқ Қурбон ҳайитидан олдин ва Зулҳижжанинг ўн иккинчи кунидан кейин қурбонлик қилинса дуруст бўлмайди, бу қурбонлик оддий қурбонлик бўлиб унга ҳайит куни бериладиган савоб берилмайди ва нисобдор киши бўйнидаги қурбонлик қилиш мажбурияти соқит бўлмайди. Валлоҳу аълам.