Савол: - Ассалому алайкум, устоз. Авлиёлар мақбараси олдида "Фалончи валийга атадим", дея жонлиқ сўйишнинг ҳукми нима?

Жавоб: – Ва алайкум ассалом! Қурбонлик фақат Аллоҳ таолога қурбат-яқинлик нияти билан сўйилади. Сўйишда Аллоҳнинг исмидан бошқани аташ дуруст бўлмайди. Солиҳ бир кишининг қуббаси олдида сўйиб, марҳумга уни аташ, худди бутга атаб сўйгандек, ҳалол бўлмайди. Оммани бундан хабардор қилиш керак. Аммо Аллоҳ исмини айтиб, сўйгандан кейин савобини бировга аташ бошқа масала.
Аллоҳ янада билгувчироқ.

Мубашшир Аҳмад