ОТИНОЙИЛАР УЧУН АТТЕСТАЦИЯ БОШЛАНДИ!Жорий йилнинг, 2023 йилнинг 14 февраль санасида Ўзбекистон мусулмонлари идораси томонидан белгиланган режага асосан Навоий вилоятида фаолият олиб бораётган, расмий отинойилар учун аттестация имтиҳонлари бошланди.
Мазкур аттестация жараёнларини Вилоят хокимининг жамоат ва диний ташкилотлар билан алоқалар бўйича ўринбосари Э.Э.Мардонов, ЎМИ Навоий вилояти вакили Т.Рузиев, вакил ўринбосари Д.Эргашев, вакиллик ходими С.Ахмедов, вилоят бош имом-хатибининг хотин-қизлар масалалари бўйича ёрдамчиси У.Холоваларнинг ўз тавсия ва кўрсатмалари билан бошлаб бердилар.
Ўтказилаётган аттестациядан асосий мақсад отинойиларнинг профессионал малакаси ва касбига муносиблиги даражасини холисона баҳолаш, зиммасига юкланган вазифалар ҳамда функцияларни бажариш юзасидан масъулиятини оширишдан иборатдир.
Аттестация жараёнлари шаффоф тарзда ўтказилмоқда.
Ўзбекистон мусулмонлари идораси Навоий вилояти вакиллиги
