Хатирчи тумани "Зарафшон" маҳалласида яшовчи Тўхта бобо фарзандининг соғлиги ёмонлиги, даволаниши учун бироз ёрдам кераклигини айтиб мурожаат қилган.Раис Расулов Б. билан маслаҳатлашиб моддий ёрдам бераман деган маҳалладошлардан кўмак олишга келишдик. Икки ой аввал ҳам маҳалладаги Дурдонага қишлоқ аҳолиси жарроҳлик учун 35000000 сўм йиғиб берганди. Яна савобталаб маҳалладошларга мурожаат қилишни келишдик.
Зарафшон мфй отинойиси
Исломова Марзия.

Хатирчи тумани "Пархун" мфй да яшовчи Баҳриев Иноятулла бобо холидан хабар олгани бордим. Эҳсон қилиб савоб умидида дуоларини олдим.
Парахун мфй отинойиси
Низомова Муҳаббат.

Хатирчи туманидаги маҳалла аёллари билан маросим, маъракаларда бидъат-хурофотларга берилмаслик, исрофни олдини олиш ҳақида суҳбат ўтказдим.
Найман мфй отинойиси
Абдуллаева Маъмура.



Конимех тумани Наврўз мфй отинойиси Н.Ходжанова Наврўз мфй да бўлиб, у ерда Наврўз мфй раиси Ғ. Хайитов, "Бувижонлар мактаби" раиси Г.Алиева, ёшлар иттифоқидан Ч.Надирқулов, маҳалла оила хотин-қизлар ижтимоий-маънавий масалалари бўйича раис ўринбосари А.Карсибекова, маҳалла фаоллари, "Оқила аёллар" аёллар ҳаракати аъзолари билан биргаликда "Ажримларни олдини олиш", "Миллатлараро дўстлик ва ҳамжиҳатликни мустаҳкамлаш" мавзуларида йиғилиш тадбири бўлиб ўтди.Отинойимиз "Шукроналик", "Оила муқаддас" мавзуларида суҳбат олиб борди.


Қизилтепа туманидаги Навқирон мфй да отинойи Норқулова Озода назорати остида йўл буйидаги бегона ўтлар тозаланиб деворлар оқланди. Уч кун давомида барча маҳалла фаоллар биргаликда юриб хонадонлардаги камчиликлар аниқланиб тозаликка эътибор берилди.
Навқирон МФЙ отинойиси Норқулова Озода.

Қизилтепа тумани "Оқсоч" маҳалласида хотин-қизлар фаоли Равшанова Шоҳиста билан, ёш оиларда учраб турадиган муаммоли масалалар тўғрисида суҳбат қилдик. Муаммолар тўғри талқин қилиниб, оила муқаддаслиги ҳақида гапириб, тўғри маслаҳат берилди.
Оқсоч мфй отинойиси М. Тўлаева.

21.06.2023йил Конимех тумани Зафаробот мфй отинойиси С.Салимова Зафарообот мфй Шодлик кўчаси 3-дом 4-хонадонда яшовчи Сарманова Жаннат онажон хонадонида бўлиб, у ерда аёллар билан "Шукроналик", "Қурбон ҳайити" муносаботи билан аёллар билан "Зулҳижжа ойи фазилатлари", Зулҳижжанинг энг аввалги ўн кунини дунё кунларининг энг афзал куни, Қурбонлик кунини энг афзал куни қилганлиги тўғрисида сўзлаб, Толибжон Низомнинг "Қурбонлик рисоласи" китобидан мутоала қилиб, бу рисолада қурбонликнинг тарихи, рукнлари, ҳукмлари, фазилатлари, қурбонликка яроқли ва яроқсиз ҳайвонлар, вожиб амални адо этишда нималарга эътибор бериш зарурлиги тўғрисида аёлларга мутоала қилиб, тушунчалар бериб ўтилди.


Зарафшон шаҳри."Юлдуз" МФЙ 59-уй 48-хонадонда яшовчи Ҳамидовларнинг оилавий келишмовчилиги кенг жамоатчилик иштирокида муҳокама этилди. Керакли насиҳат ва тавсиялар берилди, ҳамда оила яраштирилди.
Шаҳар бош отинойиси Л.Мутахарова.

Зарафшон шаҳри."Ёшлик" МФЙ да рўйхатда турувчи Эгамова Наргиза Бекмуродовна ва унинг турмуш ўртоғи Ризақулов Феруз Абсаломовичларнинг оилавий келишмовчилиги шаҳар "Оилавий қадриятларни мустаҳкамлаш"комиссияси аъзолари томонидан муҳокама қилинди. Келишмовчилик сабаблари ўрганилди. Ҳамда "Оилани сақлаб қолиш ва мустаҳкамлаш" бўйича суҳбат ўтказилди. Яраштириш чоралари кўрилмоқда.
Шаҳар бош отинойиси Л.Мутахарова.



Навоий шаҳар "ИСТИҚЛОЛ" МФЙ отинойиси Махмудова Гулчеҳра. 2-Оилавий шифохона хамширалари билан Соғлом турмуш тарзига риоя қилиш тартибини амалда кўрсатиб бердилар




Joriy yil 21-iyun kuni Zarafshon shahar "Oltin vodiy" madaniyat uyida "Milliy tiklanishdan-milliy yuksalish sari" shiori ostida ijtimoiy  ma'naviy muhitni sog‘lomlashtirish maqsadida seminar o‘tkazildi.
Seminarda shahar hokimi o‘rinbosari, oila va xotin-qizlar bo‘limi boshlig‘i L.Tursunova, Din ishlari bo‘yicha bosh mutaxassis A.Xamdamov,  shahar bosh otinoyisi L.Mutaxarova, shahar Ma'naviyat va ma'rifat bo‘linmasi rahbari D.Baxranova, fuqarolik sudi raisi A.Shukurov, tumanlararo iqtisodiy sud raisi Sh.G‘ofurov, shahar IIB xotin-qizlar masalalari bo‘yicha inspektor O.Asadova, shahar targ‘ibot guruhi rahbari M.Qurbonova va fuqarolar, "NKMK MKB" AJ ga qarashli yotoqxonalarda yashovchi aholi ishtirok etdi.
Seminar davomida ma'ruzachilar shaharda Ijtimoiy-ma'naviy muhitni sog‘lomlashtirish, xotin-qizlar o‘rtasida radikallashuv, mutassiblikni oldini olish", "Diniy ekstremizm va terrorizm jamiyat barqarorligiga tahdid", “Missionerlik va prozelitizmning salbiy oqibatlari", "Oilaviy ajrimlar" va jinoyatchilikni oldini olish, "Vijdon erkinligi va diniy tashkilotlar to‘g‘risida"gi O‘RQ-699-son Qonuni,  to‘g‘risida fikrlar aniq faktlar asosida tushuntirib berildi.
Tadbirdar so‘ngida "Ogoh bo‘ling", "Oila muqaddas"  mavzusidagi videoroliklar namoyish etildi.



Навбаҳор тумани "Чорбоғгузар" маҳалласи Файз кўчасида яшовчи Мўминалар журналига обуна бўлган аёлларга журналнинг навбатдаги сони тарқатиб, улар билан шукрона неъмат, яъни Аллоҳнинг берган неъматлари тинчлик, хотиржамлик, юртнинг фаровонлиги, берилган ризқ насиба ва ҳалол меҳнат, фарзандлар тарбияси, покизалик ҳақида суҳбатлашилди.
Чорбоғгузар маҳалла отинойиси С.Жумаева

ЎМИ Навоий вилоят вакиллиги