31 июл куни вилоятимиздан 150 нафар зиёратчилар ҳаж амалларини адо этиш учун Навоий шаҳар Алишер Навоий жоме масжиди биносида Ўзбекистон мусулмонлари идораси Навоий вилояти вакиллиги ходимлари, зиёратчилар қариндошлари, ИИБ ходимлари томонидан зиёратчилар кузатиб қўйилди. Ҳаж ибодатларини тўла-тўкис адо этиш, бу борадаги тартиб-қоидалар, шунингдек, сафар талаблари хусусида тушунтириш бериш мақсадида жойларда зиёратчилар гуруҳлари учун сафаролди учрашувлари ташкил этилди.
Зиёратчилар автобусда Бухорога шаҳрига етиб бориб, Бухоро-Мадина йўналиши бўйича учишлари режалаштирилган. Зиёратчилар бир ой давомида сафар қилишади.
Саудия Арабистонига учаётган ўзбекистонлик зиёратчилар аввало Мадина шаҳридаги муқаддас қадамжоларни зиёрат қилганидан сўнг Макка шаҳрига йўл олишади. Зиёратчилар учун мавсум давомида меҳмонхоналар, ошхона ва транспорт хизматлари юқори савияда ташкил этилади.
