Ўзбекистон мусулмонлари идораси ташаббуси билан республикамизнинг барча вилоятларида ташкил этилиб келаётган "Диний соҳа ходимлари билим савиясини янада такомиллаштириш"га бағишланган ўқув семинари Навоий вилоятида жорий йилнинг 6 апрел куни бошланган эди.


Вилоятимиздаги диний ходимлар: жумладан, имом хатиблар, ноиб имомлар, маҳалла имомлари, ҳамда отинойилар учун ташкил этилмоқда. Семинарнинг биринчи босқичи Хатирчи, Навбаҳор, Конимех, Зарафшон, Учқудуқ туманларида ўтказилди. Халқаро Ислом академияси малакали ўқитувчилари, Вазирлар Маҳкамаси ҳузуридаги Дин ишлари бўйича қўмита ходимлари вилоятимиздаги диний ходимлар билим савиясини оширишда ўз ҳиссаларини қўшишмоқда.
Бугун Навоий шаҳрида вилоятимиз диний ходимларининг малакасини ошириш ўқув семинари бўлиб ўтди.

Семинарда вилоятдаги туман, шаҳар имом хатиблари, Навоий шаҳридаги ҳамда Кармана туманидаги маҳалла имомлари, Кармана туман ҳамда Навоий шаҳар отинойилари иштирок этишди.