Ўзбекистон мусулмонлари идораси ташаббуси билан республикамизнинг барча вилоятларида ташкил этилиб келаётган "Диний соҳа ходимлари билим савиясини янада такомиллаштириш"га бағишланган ўқув семинари Навоий вилоятида жорий йилнинг 6 апрел куни бошланди.

6-11 апрел кунлари давом этадиган ўқув семинари вилоятимиздаги диний ходимлар: жумладан, имом хатиблар, ноиб имомлар, маҳалла имомлари, ҳамда отинойилар учун ташкил этилмоқда. Семинарнинг биринчи босқичи Хатирчи, Навбаҳор, Конимех туманларида ўтказилмоқда. Тошкент Ислом академияси ўқитувчилари, Вазирлар Маҳкамаси ҳузуридаги Дин ишлари бўйича қўмита ходимлари диний ходимлар билим савиясини оширишда ўз ҳиссаларини қўшишмоқда.