Азизобод жоме масжиди инқилобдан аввал Муздохун (Мард охун) Тошмасжиди номи билан юритилган. Инқилоб даврида йиқитилиб қурилиш материаллари Зармитон қишлоғидаги Пушкин номли тўлиқсиз ўрта мактаби қурилишига ишлатилган. Мустақиллик шарофати билан 1991-1993 йилларда Азизобод маҳалласида яшовчи аҳолининг ташаббуси билан ҳашар йўли билан қайтадан тикланди ва “Азизобод” жоме масжиди деб номланди.. Масжид Навоий вилоят адлия бошқармаси томонидан 30.09.1999 йил №63 сон билан рўйхатдан ўтган.
2009 йилда масжидда янги замонавий таҳоратхона қурилиб намозхонлар учун қулайлик яратилди.ҳозирги кунда масжид атрофлари ободонлаштирилиб 300га яқин арча ва манзарали дарахтлар, 100 дан ортиқ атиргул ниҳоллари қурилди. Масжидда беш вақт намоз мунтазам ўқиб борилади.