ALLOH SENDAN NAJOT SO`RAYMAN
[ 12yildan buyon to`shakka mixlanib yotgan yigit nolasi ]
Alloh , senga sig`inaman bor umidim , bor kuchim bilan ,
Jonsiz bo`lgan oyoqlarim , jonsiz qo`llarim bilan .
Ey Allohim madad bergin , turib yurayin men ham ,
Do`stlarimdek o`ynab - kulib davron surayin men ham.

Onajonim , mehribonim kecha- kunduz boshimda ,
Taskin berar , avrar meni , najot so`rar Allohdan .
Ey, Allohim , madad bergin , turib yursin bolam deb ,
To`y qilayin , kelin kelsin , bolajonim kelsin deb.

Onajonim, mehribonim kundan-kunga so`lmoqda ,
Bor umrini , hayotini menga baxshida etmoqda .
Onajonim senga ta`zim , yillar menga qarading ,
Oq yuvib , oq tarading bor mehring , muhabbating
Menga baxshida aylading.
Ey Allohim , madad bergin men ham turib yurayin
Shu mehribon volidamning joniga jon bo`layin .
Navbahor tumani” Xashman” va” Saroy” MFY otinoyisi Toirova Mahbuba