Савол: Ассалому алайкум ҳурматли устоз! Сизга бир саволим бор эди. Яқинда синглимни турмушга узатамиз. Тўй шу ойга белгиланган. Лекин бир гапни эшитиб уйимиздагиларни бироз кўнгли хира бўлиб турибди. Кимдир айтганмишки, ҳозир Сафар ойи экан, бу ойда тўй қилиш “бехосият” эмиш, бу ойда қурилган оилалар ажрашиб кетармиш. Шу гап қанчалик асосга эга. Тўйни бошқа ойга кўчиришимиз керакми?

Жавоб: Ва алайкум ассалом. Сафар ойи ҳе қанақасига “бехосият” ой эмас. Шариатимизда “бехосият” ойнинг, никоҳ қуришга монелик қиладиган куннинг ўзи йўқ. Тўйни қолдиришга бу ҳеч қандай сабаб бўла олмайди. Қолаверса, бундай ноўрин шумланиш яхшилик ҳам ёмонлик ҳам Аллоҳдан деб иймон келтирган мўмин мусулмон инсон учун ножоиздир.