Хатирчи тумани “Янгиработ” қишлоқ фуқоролар йиғинида жойлашган “Ислом-нури” жоме масжиди даставвал 1794-йилларда ҳашар йўли билан қурилган. 1920-1930-йилларга келиб масжид биноси қаттиқ зиён кўради.1956-йилга келиб эса минерал ўғит сақлаш омбори сифатида қайта тикланади. 1990-йилларга келиб масжид яна ўз фаолиятини юрита бошлайди. Республикамиз масжид ва мадрасалари қаторида Ўзбекистон Республикаси Адлия бошқармасидан 11.10.2001 й № 82 буйруғига биноан рўйхатдан ўтган. 2003-йилда масжид биноси янгидан қурилиб фойдаланишга топширилди. Масжид ўз бағрига юзлаб номозхонни сиғдира олади. Ҳайит намозларида 150-200 киши, жумъа намозларида эса 50-60 киши ўз ибодатларини адо этишади. Ҳозирги вақтда масжидда номозхонлар учун замонавий шарт шароитлар мавжуд.