2017 йилнинг 6 ноябр санасида Ўзбекистон Республикаси Президентининг ПҚ-3377 сонли "Мева-сабзавот маҳсулотлари, узум, полиз, дуккакли экинлар, шунингдек, қуритилган сабзавот ва меваларни маҳаллий экспорт қилувчиларни қўллаб-қувватлаш бўйича қўшимча чора-тадбирлар тўғрисида" қарори чиқди. Қарорнинг 6 бандида "Ўзстандарт" агентлигига Ўзбекистон Республикаси Вазирлар Маҳкамаси ҳузуридаги Диний ишлари бўйича қўмита, бошқа манфаатдор вазирлик ва идоралар билан биргаликда йигирма кун муддатда республикада халқаро стандартларни, шу жумладан "ISO22000" "Ҳалол" стандартини жорий этиш ва кейинчалик қўллаш бўйича чора тадбирлар дастурини Вазирлар Маҳкамасига киритиши лозимлиги кўрсатилган.
Тез орада юртимизда "Ҳалол" стандартининг жорий этилиши юртимиз мўмин мусулмонларига улкан қувонч бағишлайди.