Navoiy shahrida joriy yilning 17 fevral kuni “Shirin” madaniyat saroyida viloyat Ma’naviyat targ’ibot bo’limi hamda viloyat Soliq boshqarmasi bilan hamkorlikda “Diniy ekstremizm, terrorizm – ma’naviyat kushandasi” mavzusida ma’naviy-ma’rifiy tadbir bo‘lib o‘tdi.
Unda viloyat Ma’naviyat targ‘ibot bo‘limi rahbari U.Safarov, viloyat IIB bo’lim boshligí o’rinbosari B.Qurbonov, Navoiy davlat pedagogika instituti o‘qituvchisi N.Safarova, Navoiy viloyat bosh imom – xatibi T.Ro’ziyev o‘z ma’ruzalari bilan qatnashdilar.
Tadbirda bugungi dunyoda yuz berayotgan mojarolar, xalqaro terrorizm ildizlari, ma’naviy tahdidlar va informatsion xurujlar, aqidparastlik, missionerlik oldini olish xususida batafsil ma’lumotlar berildi. Tadbirda viloyat, shahar, tuman Soliq inspeksiyalarining 500 dan ortiq ishchi-xodimlari qamrab olindi. Tadbir ochiq muloqot tarzida o‘tkazilganligi bois ishchi-xodimlar o‘zlarini qiziqtirgan barcha savollariga javob oldilar. Tadbir so’ngida “Ostona” videoroligi namoyishi bo’lib o’tdi.
UMI Navoiy viloyat vakilligi
