Бугун, Навоий вилоятига Ўзбекистон Мусулмонлари Идораси раиси муфтий Усмонхон Алимов ташриф буюрдилар. 
У киши аввало, Навоий вилояти Кармана тумани ҳокимиятида Навоий вилоятидаги имом-хатиблар билан учрашув ўтказганларидан сўнг, “Алишер Навоий” жоме масжидида ижтимоий кўмакка муҳтож оилалар билан кўришиб, уларга “Вақф хайрия жамоат фонди” томонидан 10 нафар юриш фаолияти чекланганлар учун умумий қиймати йигирма миллион сўм бўлган ногиронлик аравачаси, ўсмир ёшда бўлган ўғил болалар учун эса ҳар бири 120000 сўмлик 100 дона умумий қийматда эса 12000000 сўмга тенг бўлган куртка – иссиқ кийимлар, ҳозирги замоннинг ҳар бир давлатида етакчи – жаҳон тили ҳисобланган инглиз тилига мукаммал тайёргарлик учун асос бўлган English B1 ва English B2 дарсликларининг ҳар биридан умумий қиймати 595000 сўм бўлган китоблар тўплами ҳамда Навоий вилоятидаги фаолият юритиб келаётган барча жоме масжидлари имом-хатибларининг ҳар бирларига бир донадан жами 79та умумий қиймати 2449000 сўм бўлган Мусҳаф – Қуръони Карим ҳадя сифатида топширилди.
Шунингдек, фонд томонидан эсдалик совғалари, озиқ-овқатлар улашилиб, “Вақф хайрия жамоат фонди”га турли муаммолар юзасидан ариза билан чиққанларнинг 9 нафарига қиймати 500000 сўмлик бўлган махсус сертификатлар топширилди.
Муфтий Усмонхон Алимов ҳазратларининг сўнгги ташрифлари “Меҳрибонлик уйи”га бўлиб, Навоий шаҳридаги 90 ёшли Абдусаттор бобонинг ҳолидан хабар олиш билан бўлди, бир пиёла чой устида ўзларининг самимий – дилкаш суҳбатлари билан ўртоқлашдилар.
