Юртимиз бўйлаб олиб борилган расмий ва норасмий отинойиларнинг малакаси ҳамда илмий савиясини ошириш мақсадидаги "Ўқув семинари" жорий йилнинг 26 октябръ куни ўз ниҳоясига етди. 
Эслатиб ўтамиз, ушбу "Ўқув семинари" Навоий шаҳрининг 2 сонли академик лицейида ҳам махсус дарс жадваллари асосида олиб борилган ва отинойиларимизга "Фиқҳ", "Ақоид" илмидан ҳам етук устозларимиз томонидан дарслар ташкил этилгани ҳақида хабар берган эдик.Ўн икки кунлик таълим, малака алмашишлардан сўнг "Ўқув семинари" якунида Қизилтепа туманидаги отинойиларимизнинг 48 нафарига ўқишни тамомлаганликлари муносабати билан махсус сертификатлар берилди.
Ушбу сертификат уларга халқ билан расмий ишлаш, аҳолидаги мавжуд муаммолар билан бемалол шуғуллана олиш имкониятини беради.
