Навбаҳор ҳамда Хатирчи туманларида маҳалла имомлари билан суҳбат ўтказилди. Навбаҳор тумани "Шайх Абул Ҳасан Ҳарақоний"масжидида маҳалла имомлари билан суҳбат ўтказилди. Ўзбекистон мусулмонлари идораси Навоий вилоят вакиллиги вилоят бош имом хатиби Т.Рўзиев сўзга чиқиб, маҳалла имомларининг масжидлардаги, маҳалладаги фаолиятлари хусусида гапирди, уларга ўз ташаккурини билдирди. Суҳбат очиб берилганидан сўнг, ҳар бир имом билан ҳам диний, ҳам ахлоқий маърифий савол-жавоб ўтказилди. Ўзбекистон мусулмонлари идорасидан вакил О.Собиров, вилоят бош имом хатиби Т.Рўзиев, вилоят имом хатиби ўринбосари Д.Эргашевлар маҳалла имомлари билан суҳбатларни ўтказдилар. Хатирчи тумани "Шайх Гадой Селкин" масжидида тумандаги 105 нафар маҳалла муллоларининг аттестацияси бўлиб ўтди. Унда бугунги кунда диний соҳада ва халқимизнинг диний эҳтиёжини қондиришда эътибор қаратилиши лозим бўлган вазифалар ҳақида ҳам алоҳида тўхталиб ўтилди. Ўзбекистон мусулмонлари идорасидан вакил О.Собиров, вилоят бош имом хатиби Т.Рўзиев, вилоят имом хатиби ўринбосари Д.Эргашевлар ҳамда Хатирчи туман имом хатиби Б.Ҳакимовлар маҳалла имомлари билан суҳбатларни ўтказдилар.
