Қизилтепа туман Демас маҳалласи Демас қабристонида маҳалла фаоллари ва маҳалла имомлари билан тозалик ва ободонлаштириш хашари ўтказилди. Қабристонлар атрофи тозаланди, кўчатлар ўтқазилди. Пайғамбаримиз соллаллоҳу алайҳи васаллам ҳам қабрларга эҳтиёткорлик билан муносабатда бўлиш кераклигини уқтириб шундай деганлар: “Қабр устига ўтиргандан кўра, чўғ устига ўтириб, кийимлари то этигача куйиб кетгани яхшидир”. Солиҳ кишилар қўли билан обод этилган қабристонларни ибрат кўзи билан зиёрат қилиш ҳам аслида динимиз кўрсатмасидир. Зеро, Расули акрам саллаллоҳу алайҳи васаллам: “Сизларга қабрлар зиёратини тақиқлаган эдим. Мана энди қабрларни зиёрат қилаверингизлар, зеро, у сизларга охиратни эслатади” деганлар. Шу ҳадисга амал қилган ҳолда "Азизобод" масжиди имоми Н.Нарзиев қабристонларнинг ободонлаштирилишини назорат қилди.
