Куни кеча Зафаробод МФЙда маҳаллий аҳоли билан учрашув бўлиб ўтди. 15-ноябрь куни Зафаробод посёлкасининг Конимех тумани тасааруфига ўтиши муносабати билан қўрғонда фаоллар, меҳнат фахрийлари ҳамда диний вакиллар иштирокида йиғилиш бўлиб ўтди. Шунингдек, Ички ишлар ходимлари, кўча оқсоқоллари, адашиб жиноятга қўл урган ёш ўсмирлар ва уларнинг ота-оналари иштирок этишди. Туман имом-хатиби Т. Абдурахманов ўз сўзида ҳудуднинг Конимех туманига қўшилиши диний вакиллар учун янада маъсулиятнинг ошишига сабаб бўлишини таъкидлаб ўтди. Масжиднинг низомида кўрсатилган талаблар асосида иш юритишни, аҳолининг диний-маърифий эҳтиёжларини талаб даражасида бажаришни, вилоят вакиллиги ва масжид маъмуриятининг талаб ва шартларига риоя қилиш борасида атрофлича тушунчалар бериб ўтди.
