CАВОЛ: Мени турмуш ўртоғим йўқ. Молим эса нисобга етиб закот бердим. Айримлар закотинг ўтмайди дейишяпти шу тўғрими?

ЖАВОБ: Бисмиллаҳир Роҳманир Роҳим.
Айримларни “Закотинг ўтмайди” деган гапи мутлақо нотўғри. Шариатимизда ҳар бир балоғатга етган шахс мустақил инсон ҳисобланади ва унга шариат ҳукмлари жорий бўлади. Шунга кўра Сизнинг закот беришингиз таҳсинга сазовор ва шариатга мувофиқдир. Валлоҳу аълам.

Ўзбекистон мусулмонлари идораси
Фатво ҳайъати.