CАВОЛ: Мен саҳарлик вақти яъни белгиланган дақиқага 20 дақиқа қолганда сувимни ичмасдан саҳарлик дуосини ўқиб қўйдим. Ундан кейин сув ичмаслик керакми ёки вақти бўламан дегунча ичиб олсам бўладими?

ЖАВОБ: Бисмиллаҳир Роҳманир Роҳим.
Ният қилган бўлсада, ҳали саҳарлик вақти бўлса, яна еб-ичиш жоиз. Чунки тонг отгандан кун ботгунча рўза тутишни ният қилинади. Оғиз ёпиш учун албатта сув ичиш керак, деган кўрсатма йўқ. Қайси таом ёки ичимликни охирида тановул қилинса, ўша билан оғиз ёпилган бўлаверади. Охирида сув ичиш шарт эмас. Валлоҳу аълам.

Ўзбекистон мусулмонлари идораси
Фатво ҳайъати.