Қазо намозларимни таҳажжуд намозининг ўрнига ўқисам бўладими?

Ассалому алайкум, Одинахон опа! Саволларимизга жавоб бераётганингиз учун сизга катта раҳмат. Аллоҳ ишингизга ривож берсин. Менинг ўқилмай қолган 7-8 йиллик намозларим бор. Шу намозларимни кечаси турган пайтда таҳажжуд намозининг ўрнига ўқисам бўладими? Ёки таҳажжудни ҳам ўқиш керакми? Жавобингиз учун олдиндан катта раҳмат!

Жавоб:

Ва алайкум ассалом. Равотиб суннатлардан бошқа нафлларнинг ўрнига қазо намозларни ўқиган афзал. Агар ҳам қазоларни, ҳам таҳажжуд каби суннатда келган нафлларни ўқиб борилса, жоиз. Бироқ нафлларни ўқиб, қазоларни кечга суриб юриш жоиз эмас. Қазо намозларни уч макруҳ пайтдан бошқа ҳар қандай вақтда ўқиса бўлаверади. Валлоҳу аълам.

Одинахон Муҳаммад Содиқ.
«Билимсизликнинг шифоси – савол» китоби, 1-жуз.

#Савол_жавоб
Савол бериш учун: savollar.muslimaat.uz

t.me/bintusodiq