Мусибатхонада таомланиш

САВОЛ: Ассалому алайкум! Ўлим бўлган хонадонга ҳол сўраб келган меҳмонларга овқат бериш мумкинми? Ёки бундай хонадонда овқат ейиш мумкин эмасми?

Жавоб: Ва алайкум ассалом. Ўлим бўлган хонадонда уч кунгача таъзияга келганларга дастурхон солинмайди, чунки маййит аҳли мусибатда бўлади ва уларнинг кўнглига бу каби ишлар сиғмайди. Ҳол сўраб келганлар шундай вазиятда ҳам меҳмон бўлишни ўйламай, мусибат аҳлининг кўнглига қарашлари керак.
Ҳол сўраб келган меҳмон узоқ йўлдан келган бўлса (бошқа қоладиган манзили бўлмаса), қорни оч бўлса, унга албатта таом бериш жоиз ва лозим. Аммо имкони бўлса, бундай пайтда қўни-қўшнилар ўзлари билиб, ҳозир бу каби ишлар бу хонадон аҳлининг кўнглига сиғмайди деб, таом тайёрлаб, аввало хонадон аҳлига ва бунга эҳтиёжи бўлган меҳмонларга беришса, яхши бўлади. Бундай эҳсон халқимизнинг гўзал қадриятларидан биридир. Аммо мусибатзада хонадонда тўйга, зиёфатга ўхшатиб дастурхон ёзиб, ноз-неъматлар қўйиш, таъзия билдириш учун келган ҳар бир одамга чой ва таом тортиш тўғри бўлмайди.
Валлоҳу аълам.

Одинахон Муҳаммад Содиқ

#Савол_жавоб авол_жавоб
Савол бериш учун: savollar.muslimaat.uz

@bintusodiq ⬇️⬇️ https://t.me/joinchat/AAAAAEBwhmhgsq2sn2s4Mg